🌹 *बालकास दृष्ट लागली असता उपाय* 🌹*वासुदेवो जगन्नाथ: पुतनातर्जनो हरिः। रक्षतु त्वरितो बालं मुंच मुंच कुमारकं।। कृष्ण रक्ष शिशून् शंख मधुकैटभ मर्दनं। प्रातः संगव मध्यान्हसायान्हेशु च संध्ययो:।। महानिशी सदा रक्ष कंसारिष्टनिशुदनं। यद्गोरज: पिशाचांश्च ग्रहांमातृग्रहानपी।। बाल ग्रहान् विशेषेण छिंधी छिंधी महाभयान्। त्राही त्राही हरे नित्यंत्वद्रक्षाभूषितंशिशूं।।* या मंत्राने भस्म(रक्षा) हातात धरून अभिमंत्रित करावी . (भस्म हातात घेऊन वरीलमंत्रांचे पठण करावे.) आणि ते भस्म बाळाच्या मस्तक, कपाळ, इत्यादी सर्वांगास लावावे. असे केल्याने दृष्टी दोष नाश पावतो.२) मीठ आणि मोहरी एकत्र करावी. मिठाचे प्रमाण जास्त आणि मोहरीचे प्रमाण अल्प असावे.पाच बोटे जुळवून त्यात मावेल एवढी मीठ-मोहरी दोन्ही हातांत घेऊन हातांच्या मुठी कराव्यात.वळलेल्या मुठी खालच्या म्हणजेच भूमीच्या दिशेने करून हातांची स्थिती ‘फुली’च्या आकारासारखी करून उभे रहावे.त्यानंतर दृष्ट काढणार्‍या व्यक्तीने तिचे हात खालून वरच्या दिशेने गोलाकार पद्धतीने आतून बाहेरच्या दिशेने फिरवावेत.दृष्ट काढून झाल्यावर मीठ-मोहरी निखार्‍यांवर जाळावी.३) दृष्ट शक्यतो सायंकाळी काढावी. त्रास दूर होण्यासाठी ती वेळ अधिक चांगली असते; तीव्र त्रास असल्यास तीन-चार वेळा सलग किंवा प्रत्येक घंट्याने (तासाने) किंवा दिवसातून तीन-चार वेळा दृष्ट काढावी.ज्या व्यक्तीची दृष्ट काढायची आहे, तिला पाटावर बसवावे किंवा उंबरठ्यावर बसवावे .मीठ-मोहरी, मीठ-मोहरी-लाल मिरच्या, लिंबू, नारळ इत्यादी विविध घटक दृष्ट काढण्यासाठी वापरतात. ज्या घटकाने दृष्ट काढायची आहे, तो घटक दृष्ट लागलेल्या व्यक्तीच्या समोर हातात धरावा. ‘आल्या-गेल्याची, वाटसरूची, पशू-पक्ष्यांची, गुरा-ढोरांची, भुता- खेतांची, मांत्रिकांची आणि या विश्वातील कोणत्याही प्रकारच्या शक्तींची दृष्ट लागली असेल, तर ती निघून जाऊ दे’, असे म्हणत दृष्ट काढायचा घटक त्रास असलेल्या व्यक्तीवरून सर्वसाधारणतः ३ वेळा ओवाळावा .दृष्ट काढायचा घटक ओवाळतांना प्रत्येक वेळी भूमीला हात टेकवावेत. दृष्ट काढतांना पुढून व पाठीमागून दोन्हींकडून ओवाळायला हवे.दृष्ट काढून झाल्यानंतर ती घेऊन जातांना मागे वळून पाहू नये. मिरच्या आणि लिंबू जाळावे, तर नारळ मारुतीच्या देवळात फोडावा किंवा पाण्यात विसर्जित करावा.*संकलन :- अशोककाका कुलकर्णी*